阿蒙

　　偶然的機會之下，有人的家人聽到了有人跟情人通電話－－
　　「喂！做咩我間房搞到咁亂ga？」
　　有很亂嗎？家人暗忖。
　　「冇？咁點解張報紙會擺0係床度ga？」
　　哦……
　　「筆筒又跌低左！」
　　嗯……
　　「mouse又唔0係mouse pad上面（0係隔籬）！喇叭又移左位（三大厘米）！keyboard又唔推返入去（推漏左5cm）！」
　　家人長嘆一聲，低吟一句：「神探阿蒙……」

　　阿蒙很看不順眼任何程度的凌亂。
　　「我想執屋。」阿蒙會突如其來這樣說。
　　「隨便。」家人只會擺擺手。
　　「幫手。」
　　「發夢。我自己間房都未執。」
　　「你間房呢世都唔會執ga啦！唔成理由，幫手執屋！」
　　「做乜成日執屋姐？」
　　「笠笠亂我會諗唔到0野ga！」
　　沉默半晌，家人再開腔：
　　「咁唔洗執喇，落樓下管理處拎隔籬座頂樓鎖匙啦你。」
　　阿蒙疑惑地瞪了瞪家人，問：
　　「果度咩地方0黎ga？」
　　家人睨著阿蒙，冷笑著說：
　　「示範單位呀！」

　　阿蒙很愛整潔，只有一種東西除外。
　　「洗左佢啦！」家人氣憤地跟阿蒙對罵。
　　「你理得我姐？我話唔駛洗就唔駛洗！」
　　「洗呀！」
　　「唔洗！」
　　「我趁你返左工偷偷地洗左佢！」
　　「你試下！我掉晒你房d0野出街！」
　　家人氣得臉紅耳赤，明知沒用但還是憋不住向阿蒙狂呼：
　　「你件睡衣著左一年喇！」
　　不分寒暑，都是那一件短Ｔ恤，死也不願丟進洗衣機。
　　原因至今成謎。

　　有些人會對凌亂歇斯底里，他們是「潔癖阿蒙」。
　　有些人會對少給了的五毛錢歇斯底里，他們是「金錢阿蒙」。
　　有些人會對讓人翻看了的空白記事簿歇斯底里，他們是「私隱阿蒙」。
　　世上有很多很多不同的「阿蒙」繞在身邊，要避開所有人的「阿蒙」基因，真是好累啊……