大種傷風

　　大種傷風發作了。

　　靜謐的辦公室內，只有鍵盤發出規律的聲響，各同事都昏昏沉沉的工作著。
　　「乞嗤！」
　　眼前的熒光幕好像閃了一閃。然後，一切很快又靜下來。
　　「乞嗤！乞嗤！乞嗤！」
　　「……甜甜，你做乜仲返工呀？」大古惑前輩嘆了口氣問曰。
　　唉。因為我以為健康不值一天的薪金。

　　今天用了四包紙巾，每儲到差不多，會用環保紙包起來，丟進垃圾箱。
　　到第三包紙巾時，人已經擤得有點神智不清，但依然堅持衛生，包著「雲吞」。
　　「甜甜，你響度做咩呀？」
　　「包住d『雲吞』先拎去掉嘛……」
　　「你睇下你自己包緊d乜！」
　　俯首一看，原來我正包著一大疊乾淨未用的紙巾，「雲吞」就放進袋內。

　　好不容易打起精神，想開始工作，於是精神奕奕地跑去問同事借剪刀。
　　同事聽了，疑惑地看了我一會，問：
　　「你話要咩話？」
　　「……我頭先講咩呀？」
　　「你同我講想要『有薪病假』。」
　　「……」

　　處於頭重腳輕，昏睡狀態時，被某Ｔ請去指導一些電腦程式的使用方法。
　　指著指著，我都看不見眼前的東西了，一味的點頭和「嗯、嗯」……
　　「甜甜、甜甜……甜甜！」
　　「下！？係！係咪我講得唔清楚呀？你仲有咩唔明呀？」
　　「你講得好清楚，我冇唔明……」
　　「哦，咁你叫我做乜呀？」
　　「我只係想話你聽……頭先問你0野ge陳Ｔ已經走左好耐喇，而家我……想用機呀……」
　　「…………………對唔住……」
　　我馬上「塌皮」，並撤離被我趴伏著的掃瞄器。

　　本日最最悲哀的慘劇－－Photo Taking！
　　「放過我啦……唔關我事ga……又要一路等一路吹風……我會死ga……我條屍0係度發臭會惹瘟疫ga……你地會比我累死ga……況且我二月就走……比我安心上路啦……」
　　「……你唔舒服就返落去啦，我地同你講聲喇。」
　　「唔該！」
　　我即閃人回辦公室。豈料要來的始終避不過……
　　工友嬸嬸接了上午凶鈴，回頭就對我說：
　　「ＸＸＸ（全名）上去影相喎！」
　　我隨即像體力透支一樣跌下去，半爬半滾地進了電梯。
　　好心的劉Ｔ問我情況。
　　「我都唔知做錯左d乜，又唔係留班，竟然要0係同一間中學影八年相……」我幾乎哭出來了。
　　「唔好咁講啦，你都係一分子嘛。」
　　「……」
　　多謝劉Ｔ的安慰，但我聽了真的沒有覺得好過點。
　　照完相，同事湊上前來邀功：
　　「你做乜蒲頭呀？難得我頭先已經cover左你喇！」
　　「cover！？cover到打電話去office要人？」如果我還有氣，一定這麼回。
　　結果我比乖乖坐定等拍照更樣衰，是影到一半才突然插入，老闆都笑我了。

　　只要一想到許多年後，我今天的病容依然會留在某一年的校刊中，我……我的噴嚏就又來了。