兄妹對談節錄

　　因大種傷風養病在家的我，晚上剛看完「謎情家族」，哥哥剛好踏進家門。
　　到他坐下來時，兄妹二人一同收看「軟硬天師」的一個Ｍ記廣告。
　　「哦，軟硬天師復出呀？」哥哥驚喜地叫道。
　　「復出都唔會接Ｍ記的廣告啦。」我淡然應道。
　　「要人識就要接ga啦，而家呢一代都唔識佢地。」
　　聞言，我呆住了半晌。接著回頭鄭重地問他：
　　「我幾時唔再係『而家呢一代』ge一分子？」
　　「二字頭就已經唔係啦！」他回得極快。
　　「我幾時二字頭？」
　　這次他想了想。
　　「你唔係二十歲喇咩？」
　　「你唔識減數呀？你對上果次係幾多歲生日呀？」
　　「二十ｘ囉……唔係咩？」
　　「……既然你連自己幾歲都記錯，咁我原諒你啦。」
　　我立時覺得累極了，想回房睡，豈料他又扯住我的衣袖。
　　「咦！唔係喎！我原來未夠二十ｘga？太好喇！我成日驚自己過幾年就三十歲！」
　　看著他手舞足蹈，我向他笑了笑。
　　「你洗乜驚喎。」他吃驚地以為我「竟然」會安慰他，「中年男人都仲好有魅力。丫，不過記住唔好成日搞d頭髮。」
　　接下來他無視我的病情，恨不得拿我當薑拍。

　　哎呀，原來男人都會這樣。