入世未深

　　又來了，又發現自己是小女孩一般了。
　　真是入世未深，又好心做了壞事，有夠不懂人情世故的。

　　今天，與同室工作的新前輩Ｆ和Ｒ由聊天開始，最後變成兩位前輩教訓我做人的道理。
　　事緣兩位前輩見我近日總工作不停，於是好奇問一下近況（在公司?不停工作是不尋常的哦！），才知我剛獨力接下了一個龐大的project。
　　「你點解唔分比Ｓ做呀！？」（註：Ｓ乃一位比我早入職四天的同位份同事）
　　「下……咁係Madam直接搵我ga ma……而且我又屬於呢個department ge……」
　　前輩師兄聞言立即拍檯教訓：「Wrong Concept！」
　　近三個月來，一直只看到兩位嘻嘻哈哈的樣子的我，登時被他們認真起來的表情嚇呆，六神無主地坐在那兒聽兩位前輩一左一右的立體聲訓示──
　　前輩師兄：「你並唔係屬於呢個department，只係因為今年呢個department特別多0野做，所以請你返0黎assist呢個department。而Ｓ係全公司的Ｔ．Assistant，所以應該係先比晒d 0野佢做，然後等佢分配比你，唔係你一個做晒呢個department ge 0野！」
　　我：「我──」
　　大古惑前輩：「而且你有冇唸過你走左之後，d 0野要比返晒佢做ga喎！而家人人以為佢同甜甜一齊做ge，expect佢都識做ga啦，咁到時得返佢一個咁點算？」
　　我：（無聲出）
　　前輩師兄（意猶未盡）：「係ga！你而家咁樣即係推緊佢落地獄ga咋！」
　　我：（無地自容）
　　大古惑前輩（去得更盡）：「而且講quali呀，你都未畢業啦──」
　　前輩師兄（以為能夠）及時制止：「哎！咁你又唔好咁講佢──」
　　我失控哀嚎：「好狠呀─────────」
　　最後三人一同爆笑。

　　雖然兩位前輩最後都以笑作結，不過對我的提醒是深刻的。
　　在社會工作不同在學校做project，一心以為「麻煩人地唔好意思」、「自己做晒可以幫輕下人地」、「我做細ge梗係乜都要做」、「唔好怕蝕底」……
　　總是忘了他們是同事，不是同學；我們要交功課給老闆，不是老師。
　　說到底都是自私，怕交待怕麻煩怕合作，自己一個人做爽手俐落得多，結果其實完全沒有為同事想。
　　學習的路還長呢。